Innspill til jordbruksforhandlingene
Nasjonalt senter for fjellandbruk har sendt innspill til jordbruksforhandlingene. I innspillet ber senteret om at midlene til den områderettede innsatsen for fjellandbruket økes.
Foto: Trond Giæver Myhre (Pixabay)
Les innspillet i sine helhet her:
Sats på fjellandbruket!
Omlag 42 prosent av landareal i Noreg ligg over grensa som me reknar til fjellkommunane. Her finn du 20 prosent av alle aktive gardsbruk og 17 prosent av den dyrka marka i Noreg (NIBIO 2018). Dei siste tiåra med effektivisering og nedgang i talet på gardsbruk har hatt svært negativ effekt på fjellområda.
Eit aktivt fjellandbruk er heilt nødvendig for å sikre sjølvforsyninga og matberedskap i Noreg. Landbruket er ei sentral næring i mange fjellbygder. Lønnsemd og utvikling for små og mellomstore bruk vil bidra til å sikre produksjonen i framtida og er avgjerande for framtida til fjellandbruket. Bruk av utmarksressursar, beiting og setring nyttar landbruket naturressursane våre på ein berekraftig måte. Fjellandbruket ein sentral faktor i arbeidet for eit meir berekraftig samfunn og ei styrking av landbruket vil gje store positive ringverknader for anna næringsliv og distrikts-Noreg.
Interimsstyret i Nasjonalt senter for fjellandbruk oppmodar om at ein i årets jordbruksforhandlingar aukar den områderetta innsatsen for fjellandbruket. Det er målretta tiltak som kan vere med å styrke små og mellomstore bruk i fjellområda. Ei auka satsing bør rettast mot alle landbruksregionane som høyrer til fjellområda i Sør-Noreg.
Om Nasjonalt senter for fjellandbruk
Nasjonalt senter for fjellandbruk er under etablering og senteret skal:
vera eit nettverk for å fremja og styrke eit livskraftig landbruk i fjellregionane
bidra til kunnskapsdeling og kunnskapsutvikling med sikte på å styrkje fjellbonden sin kompetanse
skape faglege og sosiale fellesskap på tvers av næringar og mellom fjellbygdene
bidra til berekraftig og lønsamt landbruk med fjellbonden sitt behov i sentrum
Næringa treng gode fysiske og digitale nettverk som fremmar og styrkar fagmiljøet og samhaldet mellom aktørane i fjellandbruket. Til nytte for dei som er direkte sysselsett i landbruket og for dei som er indirekte knytt til næringa. Me arbeider òg med yngre aktørar i landbruket frå åtte regionar, sikre at eit nasjonalt senter vil vera relevant for denne gruppa.
Konklusjon
Nasjonalt senter for fjellandbruk oppmodar om å auke midlane til den områderetta innsatsen for fjellandbruket.